西維爾頂得住巴塞

猪拉多纳

今晚西甲尾場，兩支不敗之師上演壓軸好戲，打得火熱的西維爾，迎戰「地上最強」巴塞隆拿。前者連贏兩場信心爆棚，連皇馬都要俯首稱臣，近年主場對巴塞亦不落下風，加上巴塞下周中又有歐聯後顧，此消彼長下，主隊受讓頗為吸引，「讓球主勝」值得冷敲。

（now 632周日凌晨4時直播）

雖然西維爾今季聯賽未輸過，但季初演出認真麻麻，試過人多打人少的情況下，作客華歷簡奴兩次12碼宴客。不過踢波有時講道氣，西維爾自主場有運地擊退皇馬後，全隊士氣信心返晒來，除了兩名傷兵雷恩斯同柏洛迪仍要倦勤外，其餘戰將隨時候命，誓要再打老虎。

翻查紀錄，西維爾近3次主場對巴塞勝和負各一，一來於自己地頭出擊分外醒神，二來該隊雙翼捷西斯拿華斯、迪摩奴或杜查奧斯基的踢法，正正拮中巴塞兩閘攻強守弱的要害，乘「地上最強」全面壓上進攻之時，透過兩邊快速反擊製造殺機，令巴塞進退兩難，呢招屢試不爽。
巴塞防線曳要留力歐聯

巴塞經過歐聯首輪對莫斯科斯巴達贏得驚險後，下周中作客實力更強的賓菲加會多加小心，今仗對西維爾難免有所保留。而該隊仲有佩奧爾、碧基、艾比度、恩尼斯達等傷兵，其中前兩者的受傷，迫使教頭維蘭路華要用馬斯真蘭奴夥拍桑治扼守中路，可惜兩名兼職中堅配合錯漏百出，令巴塞防線存有隱憂，西維爾仲唔乘機搶分咩，至少可於主場立於不敗，「讓球主勝」有2.6倍揸得過。