里爾沉淪捧雷恩

猪拉多纳

當你嘅球隊，失去上季交出20個入球、15次助攻嘅球員，到底有咩下場？雷恩今晚喺法甲主場對里爾，大家可能知道答案。雖然雷恩狀態唔見好得去邊，但里爾將連續兩屆法甲足球先生夏薩特高價出售到車路士後，今季表現衰過地底泥，捧對家開主W好過。

（開賽時間：周六凌晨2:45）
雷恩雙星輪流發威

首先，里爾上季攻入72球得到聯賽第3名，即係話差唔多有一半入球由夏薩特攻入或者助攻，雖然話上周停賽，感覺係由車仔交換返嚟嘅沙洛文卡勞可以復出，但佢嘅級數同夏薩特差九條街，加上同樣係新加盟嘅索察中場馬雲馬田養緊傷，連續5場單場入得1球嘅里爾真係唔容易浮番起。

另一方面，雷恩都有首席射手伊高高去咗中東掘金，但至少連續5場有波入，期間有3場至少入兩球，翼鋒比度巴同射手艾丁更交足功課輪流發威，既然里爾後衞迪保治都承認，夏薩特離隊對佢哋影響難以想像，雷恩冇理由唔趁對手熄火搶分，主勝值得關注。