快車尾站博洛尼亞受讓筍

猪拉多纳

意甲快車檔期最後一場比賽，由錫耶納主場對博洛尼亞。錫耶納幾日前作客砌低國際米蘭係威係勢，弊在球隊「走光」之後，今場肯定冇肉食兼鬥志成疑。至於客隊博洛尼亞人腳質素唔曳，相信今場作客亦有力取得分數，受讓平半可捧下盤。

（周五凌晨2時45分開賽）

博洛尼亞雖有主力迪華奧轉到美職蒙特利爾衝擊，但前意大利國腳基拿甸奴來投，個人覺得對博洛尼亞進攻更有幫助。而於歐國盃表現生猛嘅迪亞文迪，今季已取得兩個入球，狀態唔比基拿甸奴差。事實上，兩位三十歲球員都希望借助博洛尼亞去爭取國家隊席位，反正踢多三或四季就焗住收山，現階段肯定場場拚盡無保留。
錫耶納「食飽」有排抖

錫耶納負分起步，球隊當然要盡快搶分變番正數，但估唔到周日作客名牌國際米蘭先至嚟料開出大冷客W。留意當日開賽前賠率形勢，相信有一小撮人收穫甚豐！家陣錫耶納食飽飽有排抖，今場讓唔起博洛尼亞。