漢堡反彈 慕遜加柏沉淪讓唔起

猪拉多纳

今晚會繼續上演「德國波日」，又係先睇德乙再睇德甲，十一點半直播嗰場德乙，主角之一哈化柏林今季降班後出閘脫腳，好彩近期已漸入佳境，火力返晒嚟，今晚主場迎戰特雷斯登隨時係場大騷。

（有線64及204周三晚11:30直播）
德乙頭場撐哈化開入球騷

哈化近期狀態回勇，講到明要重返德甲，其實以辛度華拿、艾拉基同賓沙夏嘅實力，落到乙組又真係高人一等，就算後衞法蘭斯膊頭開刀休戰都冇有怕！至於對手特雷斯登，連埋德盃嘅4場作客比賽，平均每場入兩球，首席射手米高樸迪已經取得4個入球，有權同哈化柏林駁火。

至於壓軸嘅德甲重頭戲，慕遜加柏迎戰「爛船都有三斤釘」嘅漢堡，小弟就撐漢堡繼續反彈，要2.05倍「讓球客勝」。慕遜加柏近3次主場賽事輸咗兩場，似乎馬高列奧斯季前離隊影響甚大。相反漢堡就有唔少有質素嘅球星，雲達華治、伊利斯域同馬古斯貝治等好波之人已經上力，相信好快會踢番水準，受讓值博呀！

（有線64及204周四凌晨2:00直播）
頂占筍盤：漢堡（讓球客勝）、哈化柏林（入球大）