科特布斯大盤邦到手

猪拉多纳

上周六嘅XX彩獎金咁勁，我當然有入投X站買番幾張電腦飛碰下運氣啦！睇新聞知道好多間幸運投X站都逼滿晒等發達嘅人，一向冇耐性怕排隊嘅我就揀咗間喺屯門工廠區嘅投X站，點知一樣逼爆！以後入定多啲錢喺網上戶口，就唔使再同人逼！

早前球彩台公布會獨家直播德乙，今晚同聽晚亦分別各有一場直播。由今晚開始，德乙仲會喺有線寬頻網站（www.i-cable.com）同埋手機APP「Joemud做乜」免費直播添，另外，十月份亦會加入「澳洲職業聯賽」免費直播，有線基本用戶亦可同時下載手機APP「CABLE即時睇」，透過有線球彩台睇直播，在流動智能裝置收看「德乙」及「澳職」，我相信會吸引唔少捧場客o架！

今晚我都有份做科特布斯主場對柏達邦，一於推介呢場德乙做心水。科特布斯到依家仲係不敗，而柏達邦打法一向擅攻不擅守，咁嘅對碰，唔買大又點得？

科特布斯自從09/10年球季降班後一直上唔返去甲組，上季仲差啲再跌落丙組。好彩今季調整人腳同踢法之後重回正軌，開季6場有4勝2和不敗。新加盟射手辛洛高已經貢獻5球。其實上季科特布斯主場成績只排15名，總積分亦遠少過柏達邦，上季主場更輸○比二。不過外國莊家都開主勝平均2倍左右，要讓半球，初盤反映主隊有一定勝算。
柏達邦火力超強

柏達邦從未上過德甲，今季升唔升到班係言之尚早，但今晚我好期待睇佢哋點進攻，因為即使放走咗上季最佳射手普舒域斯去侯城亦不減攻力，今季場場有進帳。暫時6場聯賽入12球，係攻力最強嗰隊，陣中多位球員都有數胡能力。土耳其嘅丹尼斯爾馬斯同甘比都各有三球在手，呢場買大好正路！

（有線64及204台周二晚11時30分直播）
Wendy推介：

科特布斯 Vs 柏達邦

入球：大