巴塞以攻代守「主勝」趁低吸「納」

猪拉多纳

冇佩奧爾，冇碧基？冇有怕！西甲「一哥」巴塞隆拿鬧緊中堅荒，嚟緊1個月極可能要靠馬斯真蘭奴同桑治客串雙中堅，後防冇錯係有隱憂，但今晚重返聯賽戰線對住攻唔得守又唔掂嘅CF格蘭納達使乜驚？以攻代守相信係最佳嘅解決方案，讓兩球照開1.65倍「讓主」。

（now632台及中央5台周日凌晨4:00直播）
格蘭納達4戰入得兩球

巴塞喺周中歐聯以3:2險勝莫斯科斯巴達，中堅碧基扭傷左腳晨早退下火線，加上隊長佩奧爾左膝十字韌帶受傷仲抖緊，預期教練維蘭路華會繼續用桑治夥拍馬斯真蘭奴出任雙中堅。雖然話巴塞後防穿晒大窿，不過亨格比利一啲都唔擔心，事關今戰對手格蘭納達有幾多料大家心照，上季聯賽佢哋入得35球，新季4戰亦只係入得兩球，小弟打死都都唔信佢哋靠科路科利斯可以搵到巴塞後防着數嘞！

雙方上季喺魯營交手，巴塞就憑美斯連中三元大勝5:3，呢位球王周中歐聯憑一己之力救番巴塞，Fit成咁隨時再重演好戲，搵格蘭納達做靶。再講艾迪安奴同法比加斯喺巴塞嘅位置唔多穩陣，正正係要趁患流感嘅佐迪艾巴同大腿有傷嘅恩尼斯達缺陣期間Show Quali，巴塞「替工」夠搏、美斯夠Fit，格蘭納達注定冇運行！