國米做大騷

猪拉多纳

歐霸盃分組賽今晚大晒冷，意甲勁旅國際米蘭喺H組主場對俄超球隊魯賓卡山，2.05倍入球大最抵玩！近日有消息話，「藍黑兵團」老闆莫拉堤即將氹掂俄羅斯最大石油公司Rosneft合作，呢個時候當然想威，更何況國米新簽射手卡斯辛奴瘦身後弗到震，相信會幫手開入球騷。

（有線61及201周五凌晨3:05直播）
卡斯辛奴「瘦身」射爆魯賓卡山

國米上季曾經喺歐聯創出正選平均年齡31歲紀錄，今季開始實行年輕化踢落爽好多，開季7場得1場冇波入，期間勁入13球，連帶射手迪亞高米列圖同中場史奈達都翻生。最重要係，最近國米老細莫拉堤希望俄羅斯最大石油公司Rosneft，同佢旗下嘅煉油公司合作，事成對方會入股國米，成為球隊大水喉。

假如Rosneft成功入股，表現好嘅國米球員隨時有得加薪續約，鬥心當然旺盛，而且開季前加盟嘅卡斯辛奴，瘦身後今季聯賽3次上陣已經有2個入球、1次助攻，撞啱魯賓卡山今季大搞，收購馬拉加射手荷西朗頓、畢爾包中場奧拜斯、漢堡後衞哥漢托利同維拉利爾中堅馬堅奴，咁嘅陣容點會死守？

歐霸盃H組