克盧日夠料搶布拉加

猪拉多纳

歐聯H組嘅不明物體係羅馬尼亞球隊克盧日，雖然話係不明，但其實球隊於08/09年季及10/11年球季都打入歐聯三十二強之列，近年亦有踢過歐霸盃，球迷有一定印象。

其實羅馬尼亞以往係歐洲貧窮國家之一，根本冇太多資源投放到足球當中，但自從2007年1月1日加入歐盟之後，外資公司進入令到當地經濟得以改善，順勢帶旺埋球市，而職業球隊克盧日當然係受惠者之一。克盧日老闆柏辛簡尼所經營嘅ECOMAX公司，主要銷售歐美名車。基於羅馬地亞人逐漸富起來，對汽車需求大增，柏辛簡尼可謂豬籠入水。
引入高質外援有競爭力

既然口袋脹卜卜，自有能力為克盧日收購好球員，戰鬥力因而提升。留意到陣中有不少球員有過意甲及葡超經驗，今場作客對葡萄牙嘅布拉加，不妨捧受讓嘅克盧日「讓球客勝」。（周四凌晨2時45分開賽）