伐木者作客怕咗地震

猪拉多纳

周中又有美職進行，其中西岸榜首球隊聖荷西地震，將於主場對戰波特蘭伐木者。近期地震表現良好，於聯賽取得三連勝佳績，既然今場遇到西岸弱勢球隊伐木者，阿King相信地震有能力以大比數取勝，「讓球主勝」開出機會極高。

（周四早上10時30開賽）

波特蘭伐木者屬於聯賽當中唯一作客未曾獲勝球隊，聯賽客敗率更超過七成，可見主客因素對於伐木者有幾大影響，更何況今場對手係西岸一哥聖荷西地震，睇怕伐木者都幾難打破作客不利數據。地震近三場勝仗合共取得十個入球，前場火力十足，今場可望摧毀波特蘭伐木者嘅豆腐防線。
機員炒得起芝華士

另外紐約紅牛主場對肯薩斯體育會，基於兩支球隊實力相當接近，相信入球唔易產生，細盤可以考慮。至於哥倫布機員主場對美國芝華士可捧「讓球主勝」，唔好因為機員兩連敗就以為狀態回落，查實呢班波返主場就發惡，芝華士已無心戀戰，今次輸鑊甘都唔奇。