布力般勢演入球騷

猪拉多纳

今晚除咗歐聯仲有大把好嘢，英冠布力般流浪主場對班士利，捧大最好。今場表面上布力般好似食硬班士利，但快車賽期戰果較惡估，睇番班軍本季4次作客全數開大，可配合「攻擊王」布力般演入球騷，呢場揀大盤！

（周三凌晨2時45分開賽）

布力般本季落到英冠，就如虎入羊群，目前高踞榜首，仲係入波最多球隊。佢哋本身人腳已經夠勁，啱啱仲喺哈特斯菲爾德買入超勁前鋒佐敦洛迪斯，後者上仗鬥布里斯托城就梅開二度。配合埋卡森李察士、紐奴高美斯等，布力般要入波真係話咁易。班士利今季4次離開主場，總共狂失13球，今場捧大啱數。

白禮頓作客屈福特，真係一隊當起、一隊當黑，白禮頓連贏三場順風順水，狀態簡直托弗，屈福特就3連敗瘋狂失波，雖有主場之利都惡唔出，捧客勝。另一場列斯聯主場對侯城，列軍攻力雖強，但侯城四平八穩好正氣，捧「讓球客勝」。