阿維達貝治+1滅模

猪拉多纳

今日阿King集中推介瑞典超，「地頭龍」阿維達貝治受讓好路！呢班波主場惡到暈，近6次喺自己地頭出擊4勝2和，當中曾贏艾夫斯堡同AIK蘇納；加上馬模本季5次到訪人造草場僅得1勝，「讓球主勝」捧得過！

阿維達貝治目前能位處中游，同佢哋極具主場威力有關。本季球隊10次坐鎮主場，只係輸過2次，對手分別係希爾星堡同赫根，而且已經係5月頭嘅事，睇到阿軍有幾硬淨。論人腳，馬模當然好過阿軍，但佢哋作客戰鬥力勁減，近5戰僅得2勝，而且狂失11球，今仗根本毫無甜頭，讓波當然捧對家。
奧雷布洛「大」搏殺

另一場奧雷布洛作客卡爾馬，奧軍本季愈踢愈曳，依家排緊尾二，遠離護級安全線13分，未來場場都當決賽咁踢。因為攞1分對佢哋唔夠，所以近期球隊已豁出去同對手鬥攻；撞啱卡爾馬近期攻力極強，今仗捧大。而加費萊主場鬥赫根，客軍近期腳風大順，入波易過食生菜，加費萊遇強即現形，捧客W。