馬德里打吡冇皇馬一樣好睇

猪拉多纳

馬德里市一向是西班牙足球重鎮，連同華歷簡奴在內，馬德里市有4支西甲球隊，打吡戰亦特別多。皇馬固然是馬德里市一哥，球星一舉一動都是球迷關注焦點，C朗一句「不快樂」就足以掀起一輪離隊傳聞。

不過今季難得其餘3隊馬德里市陪客亦有不俗發揮，基達菲續演神經刀角色，季初勇挫皇馬令列強不敢看輕。而馬體會過去3年，2次贏得歐霸盃冠軍，更令他們再次成為歐洲列強之一，而連續兩屆於歐洲超級盃擊敗應屆歐聯冠軍國際米蘭及車路士，連擁躉亦感到驕傲。

今季馬體會另一焦點落在超級盃英雄、大演帽子戲法的射手法卡奧身上，最近無論在球會或國家隊亦狀態大勇，令其爸爸豪言囝囝將轉投皇馬。至於牌面最弱的華歷簡奴，現時亦3戰不敗，成為西甲另一個驚喜，年輕巴西前鋒卡連奴更成為西甲新勢力，他在20歲生日前一日獲得西甲首次上陣機會，並取得入球及助攻，成為一路奇兵。難得兩隊今季開局同樣理想，今晚這場馬德里市打吡大戰自然更令人期待。（now632台周一凌晨3:30直播）

李榮基now Sports足球評述員，精通歐洲足球，最愛德國國家隊。