清水中「秋天魔咒」東京有計

猪拉多纳

秋天不利清水心跳？自從10年前起，清水9、10月响日本聯賽、盃賽，主場都未贏過FC東京，今日佢哋喺日職迎戰來訪嘅東京，似乎冇乜條件讓人平半，東京下盤玩得過。

（now633及660台周六晚6:00直播）

清水真係幾奇怪吓，呢10年嚟嘅9月主場5戰FC東京，居然得2和3負，好似逢親日本入咗秋就等冬眠咁。事實上，佢哋近況亦有啲回落，個幾星期前喺日聯盃4強首回合，作客就輸畀東京1:2，班人睇落有些少散散哋，今日仲要用19歲前鋒白崎凌兵代替傷咗嘅高木俊幸添，真係有啲擇使。
東京傷疲盡起力爭聯賽3連勝

正爭取聯賽3連勝嘅東京就唔同嘞，近排傷疲盡起，太田宏介、中村北斗、巴西前鋒艾美臣3個都傷愈，班國腳又踢完太公波歸隊，人手充裕，即使長谷川阿里亞坐波監都有足夠兵源調動，教頭普波域治仲趁國際賽呢段空檔，同班球員做心理輔導，準備工夫做足晒，受讓抵博。