岡薩多不設防玩大佢

猪拉多纳

今日阿King轉吓口味玩日職，重心推介柏雷素爾主場迎戰札幌岡薩多，札幌岡薩多護級幾近絕望，而且今季作客十一戰全敗，平均每場失三球有多，中位數調高至3.5球冇有怕，照捧大盤。

（周六晚6時開賽）
柏雷素爾有力大炒

札幌岡薩多上季掹車邊以日乙第三名升班，事實證明呢班波根本未夠班於日職立足，聯賽踢咗廿四輪僅得十分，落後尾二大宮松鼠十四分，降班已成定局，佢哋對上三場聯賽全敗之餘，防線失咗十三球，擺明無心戀戰，而且佢哋今季作客成績差到爆，十一戰輸晒兼失三十七球。柏雷素爾已經連續五場聯賽未贏過，今次遇上魚腩係反彈好時機，考慮到主勝及讓球主勝欠分頭，既然預計主隊可以大炒一場，不如改捧大盤。
鯨魚維加泰作客照捧

另外兩場推介，大阪櫻花主場鬥名古屋鯨魚，鯨魚前鋒約舒亞堅尼地已傷愈復出，配合永井謙佑及玉田圭司，呢個進攻鐵三角足以橫行日職，大阪櫻花主場聯賽輸波率逾五成，平手盤捧鯨魚。

最後一場係日職矚目榜首大戰，排第二嘅廣島三箭主場鬥榜首仙台維加泰，廣島三箭連盃賽在內三場不勝，陷信心危機，仙台維加泰係今季輸波最少球隊，不敗率高達八成八，爭標關鍵戰更加唔會放鬆，捧「讓球客勝」。