維拉有排執點讓史雲斯？

猪拉多纳

經過國際賽之後，本周末及周日又輪到聯賽嘞。肥叔最近聽到唔少人話，下周中有歐聯比賽，驚住大牌球隊會勒住踢唔會去盡。肥叔唔敢話一啲影響都冇，但唔係想像中咁大。事關九月正值季初階段，個個球員都好氣好力，一周雙賽絕對冇問題。而且歐聯只不過係第一輪賽事，競爭性唔算激烈，相信各大球隊對於本土聯賽仍會保持認真態度，就算留力都唔會太過分。

至於推介方面，英超阿士東維拉對史雲斯要𥄫實。呢隊史雲斯認真慘情，暑期領隊先走，及後連球員都畀人撬埋。個個都以為史雲斯今季實唔掂啦，點知踢落仲犀利，近四場三勝一和未輸過。相反阿士東維拉就麻麻，聯賽仍未打響勝鼓，似乎班波愈踢就愈沉。肥叔覺得維拉仲有排執，短期之內都難以交到好成績，今場要讓平半必揀下盤。
格雷特霍夫唔赦史浩克

另外同大家傾吓場德甲，格雷特霍夫主場對史浩克04。格雷特霍夫開鑼戰就撞正拜仁，輸畀強隊冇嘢好講。但第二場即以作客身份擊敗緬恩斯，似乎呢支上季德乙冠軍唔係咁曳。初步估計格隊係有一定戰鬥力，大家咪當佢哋係魚腩。至於史浩克04，純計名氣當然高過主隊，弊在作客演出唔多穩陣，讓波就唔多抵玩，下盤可以考慮。
肥叔心水

諾域治上盤

史特加大

修咸頓下盤

史雲斯下盤

史篤城下盤

巴勒莫上盤

格雷特霍夫下盤

基達菲下盤