甘美奧孖寶有料到 半場搞掂紐迪高

猪拉多纳

甘美奧季前將目標定喺奪取自由盃入場券，巴甲過咗三分二後，依家攞到44分排第3算唔錯，要達標今鋪主場當然不容有失，加埋今場甘美奧孖寶再度同場，對住紐迪高無走雞，實行博1.71倍「半場主勝」。（開賽時間：周五早上8:00）
紐迪高作客麻麻仲玩留力

雖然今場安達利馬同薛羅拔圖儲夠黃牌要坐波監，但馬些路摩連奴幫玻利維亞打完世盃外圍賽後已經返番球會，今場可以落場同艾蘭奴合作搏殺。呢對甘美奧孖寶同時為球隊上陣10場，攞到8勝1和1負極佳成績，可以話係搶分保證。

相反紐迪高已經8場作客未贏過，仲有消息話佢哋會收起上場射入12碼嘅阿羅約，備戰禮拜尾主場對明尼路嘅比賽，火力進一步削弱，就算有中場路爾斯馬天尼斯復出都冇咩用。預期紐迪高今場都係捱打居多，隨時早段就失波，一於揀甘美奧1.71倍「半場主勝」。
葡聯盃賽制

賽事採主客兩回合制，今輪為第2圈首回合。若兩回合計打和，不計算作客入球優惠，將於次回合90分鐘後互射12碼決勝。