牙買加死守爭首名

猪拉多纳

聽朝世界盃外圍賽中北美洲區第3圈，美國喺4日內再戰牙買加，雖然上場佢哋以1:2見負，係雙方19次對賽以嚟首次落敗，但今晚「花旗兵」同小弟新欄目一樣有主場之利，無咁易再輸。不過牙買加為保小組首名肯定會打守勢波，所以今戰買1.88倍入球細仲划算。

（開賽時間：周三早上8:00）
4日前交手美國輸1:2

美國主帥奇連士文喺上場賽後話會睇番錄影帶，研究一下輸波原因，平時呢句話都幾廢噏吓，始終今次係雙方喺4日內連對兩次，因此極具參考價值，話晒美國最叻就係講科學同數據，奇帥嘅教練團一定會搵出輸波原因，唔會重蹈覆轍。

不過話晒美國中場大將當路雲同米高巴特利都冇入選，再加上牙買加暫列小組第一，今場唔輸出線形勢就一片光明，難免會打守勢波，預料今戰雙方唔會出現大手交易。