意大利憤怒鳥殺他死

猪拉多纳

世界盃歐洲區外圍賽B組，出線大熱意大利主場對弱旅馬爾他。意大利上周首輪作客保加利亞和二比二，一向斯文唔鬧人嘅意大利主帥柏蘭迪利，賽後都忍唔住插球員唔集中兼輕敵，幾位老資歷國腳見柏帥咁惡都嚇一跳。球員畀柏Sir省到「立立令」，今場肯定會好集中，務求大炒馬爾他以振軍心，今場屬強弱懸殊比賽，意軍「讓球主客和」讓二球冇有怕，捧「讓球主勝」。

（now 633周三凌晨2時45分直播）
柏Sir發火誓炒馬爾他

意大利事先表明今場會用奧斯華度及迪斯度合作攻堅，另外迪羅斯因傷離隊治療，中場位置會由好氣好力嘅洛斯連奴頂上。今場意大利將派出多名正在上位嘅球員上陣，佢哋有機會落場一定搏，馬爾他後防肯定風聲鶴唳。

馬爾他向來都係歐洲魚腩部隊，近年算有啲進步，上仗主場對阿美尼亞都係僅輸0比1，不過今場要作客首輪失分嘅意大利，定必被當出氣袋。馬爾他最近一次作客意大利輸1比6，隨時再次慘敗。