平手捧聖保羅 賀羅渣里奧加盟22年

猪拉多纳

褪色勁旅山度士今晚喺巴甲主場火併聖保羅，喺射手尼馬缺陣下，加上主帥拉美奴提早投降宣布放棄球季，仲可以憑乜贏波吖？況且，今仗係聖保羅傳奇門神羅渣里奧加盟22周年大日子，班人梗想贏波賀一賀佢，平手盤捧聖保羅！

（now633台及廣東體育周一凌晨3:00直播）

前日係羅渣里奧加盟聖保羅22周年大日子，呢位39歲「罰球王門神」職業生涯入咗105球，球會地位無可取代。早排佢同傳媒講過，自己近年飽受傷患，身體狀態下滑，依家正計劃緊年底約滿後掛靴。
山度士Hea踢兼冇尼馬

不過，一旦依家排喺巴甲第5位嘅聖保羅，最終能夠殺入前4，攞到下季自由盃參賽資格，有消息就話羅渣里奧可能會延遲退休！事實上，球隊首席射手路爾斯法比安奴今季雖受傷患困擾，唔會場場踢足，但近日佢都自動請纓話今鋪一定要踢，擺明要幫羅渣里奧攞威。

依家排14嘅山度士，主帥拉馬奴都承認爭入前4無望，但又話唔驚降班，即係嚟緊會Hea踢啦！再者，尼馬因為代表巴西踢國際賽，今仗肯定缺陣，整體實力大減，山度士主場都係等死格局。