天皇盃捧日丙成功丸

猪拉多纳

尋日多支日丙球隊喺天皇盃製造冷門戰果，「一哥」長野帕塞羅踢走日職球隊札幌岡薩多，「三哥」佐川急便滋賀作客贏埋日職球隊神戶勝利船，足證呢班「阿丙」水平唔低。今日輪到日丙「二哥」長崎成功丸接力，對手為日乙前列分子千葉市原，論實力市原當然高啲，但佢哋以重返日職為目標，未必有心爭盃。成功丸主將中山悟志及松橋章太等踢過日職，整體水準唔曳，越級挑戰有力頂住對手，冷味十足，一於博「讓球客勝」！

（周日中午12時開賽）

同日仲有多場日乙內訌，其中下游分子鳥取飛翔主場對草津溫泉，溫泉作客踢到識飛，對上八次作客不敗，不過，飛翔近期喺主場時有佳作，早前曾戰勝千葉市原，盃賽場合有條件爆冷，要「讓球主勝」！