湘南強勢天皇盃照砌

猪拉多纳

日本天皇盃進入第2圈賽事，首、次級聯賽球隊都會喺本圈加入角逐，日職嘅更可以喺主場迎戰弱旅，但睇番上屆次圈成績，竟有3支J1球隊唔能夠喺法定時間內解決對手，即使札幌同神戶係對住低兩級對手，但足智彩揀得出嚟開盤都唔慌好嘢，大家都係小心為上。
愛媛積弱連續11場不勝

今午6場有開盤嘅天皇盃，最有信心係湘南比馬主W，還記得上屆FC東京以乙組冠軍身份贏埋天皇盃，今屆湘南就有類似氣勢，佢哋現時排喺乙組第2，近15戰先至輸過1仗，演出夠晒硬淨，反觀作客嘅對手FC愛媛近況就衰到冇人有，已經連續11場未贏過，對上7場作客輸6仗，更連續3場食白果，最慘係首席射手有田光希繼續養傷，今仗出戰湘南比馬，梗係撐1.7倍主W。（開賽時間：周六中午12:00）

足球重心：湘南比馬（勝）

馬膽推介：3場C步步快

今日馬季開鑼，由於抖暑時間愈來愈短，上季尾有好表現嘅馬匹絕對值得繼續跟進，特別係當時狀態初起嘅更值得留意，「步步快」就係其一，大摩為未交代嘅馬，肯定會加多兩錢肉緊。
天皇盃賽制

今輪為第2圈，以一場過分勝負，若法定時間內打成平手，則需加時作賽，再和就互射12碼決勝。