法國守細波作客搶芬

猪拉多纳

今晚國際賽場次咁多，花多眼亂真係唔知點揀好？阿King就有好嘢推介，世盃外歐洲區Ｉ組芬蘭對法國，後者處於重組階段，箭頭賓施馬狀態又麻麻，而新帥迪甘斯領軍今仗作客都係穩中求勝，細盤屬穩陣之選。

（周六凌晨２時30分開賽）
荷蘭動「土」大捷可期

眾所周知，法國領隊迪甘斯在球員時代踢防中，在意甲浸淫多年，深明防守嘅重要性，從大軍名單可見，他選入馬胡巴、卡比耶、馬度迪、華布拿等工兵型中場，除拿斯尼停賽外，一些具創造力嘅中場如馬雲馬田、賓艾化都被棄用，就知佢呢場傾向乜嘢策略，加埋射手賓施馬唔弗，主隊芬蘭一向又好守得，呢場想多波入都難，細盤有計。

相反荷蘭領隊尹戈爾執教風格一向有前冇後，上仗同比利時拍跳合共炮製６粒，而曼聯前鋒尹佩斯最近兩仗入４粒，真係弗到爆，土耳其難擋來襲，「讓球主勝」可取。至於瑞士近年踢法變得進取，其中拜仁攻擊中場梳頓沙基利極具侵略性，面對上仗開出「主其他」嘅斯洛文尼亞，又係鬥攻格局，捧大好路。