墨西哥撳住黎攻

猪拉多纳

歐洲聯賽開鑼冇耐又進行國際賽，當中以世盃外圍賽為主。歐洲方面係第一輪比賽，個個都想頭威頭勢食頭胡，爭勝鬥志一定百分百，預計呢次會開正路波為主，當頭起球隊一定要𥄫實。不過咁，國際賽期始終都危機四伏，盤路走勢未必摸得咁清晰，小注怡情較為適合。

先講講中北美洲賽事，哥斯達黎加主場對墨西哥。客隊今年行正大運要追捧。墨西哥向來都係中北美區嘅大哥級球隊，近年只有美國先有能力同墨西哥抗衡，對住戰力回落嘅哥斯達黎加當然要秤先。留意墨西哥近兩場外圍賽表現都唔錯，有力贏埋哥斯達黎加。曼聯查維亞靴南迪斯返到國家隊特別醒，加埋奧運金牌成員杜斯山度士，今場等睇佢哋表演入球騷啦！

（周六早上10時05分開賽）
黑山要贏「波」搶頭彩

歐洲方面，黑山主場對波蘭揀上盤。大家都知與黑山同組有英格蘭，想保住晉級資格的話，對住弱隊就一定要攞足三分。尤其今次主場出擊，更加值得睇好。波蘭喺歐國盃作為東道主演出有幾差唔使多講，之後同愛沙尼亞踢熱身賽都冇料到，睇嚟波蘭有排都起唔番，黑山讓平半要上盤。

（周六凌晨2時30分開賽）
肥叔心水

以色列上盤

馬其頓下盤

黑山上盤

荷蘭大

保加利亞下盤

比利時上盤

烏拉圭下盤

墨西哥上盤