蠱惑革命恰到機員

猪拉多纳

明早美職有兩場比賽，較早時間舉行有新英倫革命主場對哥倫布機員。留意到主隊已經有多場不勝，走勢確實差勁，不過今場開平手盤革命竟處於低水，睇賠率似乎有「景轟」，估計主隊今場應有不同演出，平手盤阿King必揀新英倫革命。

（周四早上8時開賽）
急流沖走伐木者

其實新英倫革命於八月尾曾經同哥倫布機員比賽，當時兩隊大打進攻足球，結果革命以三比四僅敗。今次主客互調之後，革命整個形勢就有所不同，從開盤手法亦得知莊家對主隊有幾重視，相信球隊有望喺今場作出反彈。機員作客取勝率唔高，近期連續多場取勝主因有主場之利，今場斷纜都唔奇。

另一場美職由科羅拉多急流主場對波特蘭伐木者，有跟開美職都知伐木者所有聯賽勝仗皆於主場取得，聯賽作客尚未打開勝利之門。就算今場面對同級球隊科羅拉多急流，相信伐木者亦難望有突破性演出。另外，巴甲高士路主場對保地花高，高士路兩連勝主W可續追。