烏甸走樣祖記有計

猪拉多纳

烏甸尼斯今晚喺意甲主場迎戰祖雲達斯，主隊剛喺歐聯外圍賽出局，洩晒氣難敵祖記，直取1.78倍客勝！

（開賽時間：周一凌晨0:00）

祖記繼基奧雲高及盧斯奧後，今次就輪到柏度恩都傷埋！好彩門神保方同基亞連尼齊齊復出，鋒線嘅空缺可以交畀馬特尼頂替，仲有新援賓特拿亦可隨時候命，對整體實力影響唔算大。

烏甸今季表現麻麻，連歐聯外在內，開季3場都贏唔到，搞到教練古杜連喺歐聯外畀布拉加踢出局後都想引疚辭職，成隊頹兵今場仲撞正「斑馬兵團」，都幾難有好下場。