馬略卡主場冇甩蘇

猪拉多纳

季初賽事往往會有二三線球隊奇兵突出，由於佢哋評級多數較低，賠率相對較有肉食，趁各大聯賽剛開鑼冇幾耐，可向呢類球隊埋手。西甲馬略卡今季表現對辦，除咗重拾「小島球隊」主場威力，甚至客場演出亦不俗，今仗主場迎戰皇家蘇斯達，肥叔睇好馬略卡全取三分。

（周日凌晨４時開賽）
蘇斯達作客秤低啲

雖然馬略卡喺西甲唔入流，但一提起呢支球隊，第一時間就會想起佢哋主場威力強，可見呢個賣點已深入民心，絕對唔可以睇小，馬略卡今季首輪西甲亦順利喺主場擊敗愛斯賓奴。最難得係上仗作客歐聯分子馬拉加，都攞到一分， 無疑屬於「季初異軍」。或者馬略卡仍未夠班同皇馬、巴塞及華倫等強隊抗衡，但面對實力相若嘅皇家蘇斯達，以馬略卡近期勇態，可以秤先。

另一場西甲，馬拉加因為財政問題，今季有幾位主力流失，兵源大不如前，佢哋剛踢完歐聯附加賽，今仗作客薩拉戈薩，未必回到氣，平手盤力撐薩拉戈薩。
韋根讓得起史篤城

英超方面可以留意韋根，佢哋鬥心相當強，球員喺場上夠搏命，首仗輸畀勁敵車路士，實屬非戰之罪，之後即擊敗修咸頓，喺英聯盃亦取得大勝，反映真正實力，今晚主場對同級球隊史篤城，韋根讓平半，上盤要得過。另外，史雲斯中前場球員表現非常好，入波能力強勁，主場對新特蘭，要大盤。
肥叔心水

韋斯咸 上盤

紐倫堡 下盤

史雲斯 大

韋根 上盤

切爾達 上盤

薩拉戈薩 平手盤

拉科魯尼亞 上盤

馬略卡 上盤