聖保羅回勇摧花

猪拉多纳

除了多場歐霸盃賽事外，聽朝仲有巴甲勁旅聖保羅出場，該隊於主場迎戰保地花高。聖軍經歷了早輪的低潮後，已經逐漸重拾信心，相反保地花高作客表現麻麻，今仗難有運行，阿King覺得主勝捧得過。（周五早上8時開賽）

之前聖保羅經歷一段小低潮，試過連輸3場，這同射手路爾斯法比安奴有關。呢位前西維爾前鋒季初係威係勢，帶領聖軍一路奏凱，豈料之後陷入6場入球荒，即時令該隊舉步維艱。好彩，路爾斯法比安奴上輪梅開二度，協助聖軍反勝哥連泰斯，證明自己已告回勇。

保地花高自荷蘭老將施多夫加盟後表現反覆，其過於上腳的打法，反而拖慢了球隊的進攻節奏，近六場作客僅1勝，仲輸足3場，今仗作客難敵聖保羅，主隊讓到半一，證明贏波機會極高，主勝穩陣。

另一場巴甲利斯菲體育會上仗雖和波終止5連敗，但以該隊近10作客贏得1場的成績，唔係法林明高對手，「讓球主勝」信得過。最後蘇聯盃降落丙組的格拉斯哥流浪主場攻力強橫，對住福爾柯克照攻可也，大盤可捧。