漢諾威施拉斯克大癲大肺

猪拉多纳

德甲漢諾威主場迎戰波蘭施拉斯克，Alwin一向好欣賞漢諾威教頭史隆卡嘅態度，無論對任何賽事或形勢都會認真作戰，今晚佢哋一樣會延續近期瘋狂進攻作風，1.45倍入球大係過關首選。（周五凌晨2時45分開賽）

漢諾威向來着重進攻同主場成績，唔係都唔能夠成為上季德甲唯一主場不敗之師，佢哋今季只踢咗三場正式賽事，包括德國盃6比1贏丁組諾丁根，歐霸外圍賽首回合5比3贏施拉斯克，然後德甲主場2比2和史浩克，三場都開大之餘，仲有兩場開出總入球「7+」，三仗共轟入13球，但對丁組仔都要失波，可見幾咁有前冇後啦！
博埋總入球「7+」

施拉斯克係上季波蘭甲組聯賽冠軍，亦係聯賽入球王，不過卻係前五名球隊中失波最多嘅一隊，首回合主場輸3比5出線機會渺茫，但全隊都踢得好享受好興奮，今場作客既然都打定輸數，又點會同你保守？隨時再整多場總入球「7+」，有12倍分頭，值得小試！
Alwin 推介：

漢諾威大★★★

川迪大★★★

漢諾威7+★