些路迪讓球勝執到堡

猪拉多纳

歐聯外圍賽次回合有場賽事值得留意，蘇超班霸些路迪主場對瑞典超名牌球隊希爾星堡，些路迪首回合贏住兩球，返主場理論上唔使贏都得，但歐聯戰線關乎球隊整季「錢」途，些路迪一秒都不能鬆，有望於主場再下一城，主勝穩開！

（周四凌晨2時45分開賽）

蘇超今季形勢較以往更單調，隨住格拉斯哥流浪被貶落丙組後，形成些路迪一隊獨大局面，聯賽冠軍基本上已成球隊囊中物。不過，賽事缺乏競爭，吸引力自然會降低，有礙蘇超長遠發展，對些路迪而言，今季聯賽顧慮唔多，反觀歐洲賽變得非常重要，屬球會「留客」關鍵賽事，所以會特別肉緊。
希爾星堡首回合吞雙蛋

蘇超經營環境唔算好，些路迪要靠歐聯收入支撐賽季支出，若能打入分組賽，成季唔使愁，仲會有額外資金增兵提升競爭力。大軍首回合作客希爾星堡形勢一般，但把握機會贏2比0，今場只要唔大敗就可晉級，有部分球迷擔心球隊戰意不足，但歐聯屬球隊整季命脈，絕對唔敢放鬆。

睇番今場賠率，主勝被壓低至1.4倍，讓到1球至1球、球半，個盤相當辣，反映操盤手認為些路迪今場贏面仍然好高。個人認為些路迪可順利贏波，熱捧主勝，求分頭可博埋「讓球主勝」。