莫斯科戴拿模大反擊

猪拉多纳

歐霸盃去到附加賽次回合階段，俄國莫斯科戴拿模主場放手一搏，將與史特加上演入球騷！首回合輸○比二，戴拿模根本未入局；但自新帥彼德斯古上任後，球隊絕對有進步，上仗俄超轟入三粒攻力轉盛，史特加冇態後防甩甩漏漏，捧大好路！（周三凌晨零時開賽）

莫斯科戴拿模本季演出極曳，早前終換上彼德斯古為新帥，但球隊病入膏肓，球員既冇體力又冇心力，目前踢六場聯賽竟輸五仗，連彼帥都話冇諗過球隊曳到呢個程度。但佢畢竟係個好教練，已逐步改善球隊弱點，上仗領軍更以三比二擊敗莫斯科火車頭。呢場勝仗令球隊信心大增，而且充滿戰鬥力，今仗必同史特加死過。
史軍防線欠穩

史特加開季表現中規中矩，剛於德甲首戰不敵禾夫斯堡，但其實又唔算踢得好曳。球隊最大問題係後防唔夠穩陣，今次面對主隊如狼似虎攻勢好難頂得住，但戴拿模周時踢到60分鐘過後成班球員就唔夠氣，隨時失守，今場大盤係投X不二之選。