另類創富坊

猪拉多纳

項目︰首名入球

推介︰高治、賀夫

今次首名入球揀咗場英超賽事，史篤城主場對阿仙奴，史篤城近五次主場對「兵工廠」同樣先開紀錄，先後由高治、賀夫同堅韋尼鍾斯等大舊佬取得士哥，球隊踢法簡單直接，今次都係會繼續用手榴彈戰術同高空攻勢狂轟對手，隊中多個高佬都叫胡，熱捧中鋒高治，冷敲中堅賀夫！
項目︰總入球

推介︰岡山綠雉總入球1

日乙賽事岡山綠雉主場對大分三神，三神近7戰6場開大，得、失球數字同樣頗高，不過，呢班波每次遇上綠雉都會產生神奇化學作用，兩隊近季交手經常合演悶戰，對上5次碰頭4場開出總入球「1」，另有一場互交白卷，細盤長開長有，預計今戰亦唔會出現大量入波，總入球「1」夠旺可續追！
項目︰第一隊入球

推介︰燕豪芬

要玩第一隊入球，最好揀啲已開咧一段時間的球隊，荷甲勁旅燕豪芬可算係急先鋒。該隊於今季開咧冇耐，聯賽連盃賽合共四場波，雖然有贏有輸，但全部都先拔頭籌，其中有兩次係瑞典前鋒托禾倫包辦，由佢拍住謝明蘭斯，鋒力強勁，今場對手格羅寧根實力麻麻，預計燕軍先開紀錄機會高。
項目︰半場主客和

推介︰利斯菲體育會半場和

巴甲近況最曳一定係利斯菲體育會，呢支今季升班馬於甲組打咗差唔多半季，表現明顯唔夠班，不過該隊亦有自知之明，先做好防務同對手周旋，因此利軍近八仗全部半場打和。今仗佢哋主場迎戰紐迪高，後者作客差都唔會冒進，加上雙方近六次交手中，有四次於半場未分高下，呢場個「半場和」非常好路。
項目︰讓球盤

推介︰赫斯平手盤

蘇超球隊赫斯剛於歐霸敗給利物浦，仲要只係輸球烏龍波，表現唔曳。今晚該隊作客鴨巴甸，雖然係疲兵應戰，但有守將沙利奧卡斯傷愈有望復出。相反主隊卻在上周中蘇聯盃，鬥到加時先擊敗甲組仔摩頓，認真唔對辦，加上近六次對碰赫斯未輸過，今仗開出平手盤，買赫斯有力坐和望贏。
項目︰單雙

推介︰摩里倫斯雙

葡超摩里倫斯主場對國民隊，兩隊實力接近可捧「雙」。留意到葡超首輪比賽，全數八場賽事竟多達六場打和，開「雙」比率高達七成五，相信開「雙」氣勢可延至本周賽事。就以今場為例，和波賠率低至不足三倍，某程度反映出今場開「雙」機會不低。兩隊最近一次對賽都係打和兼開「雙」，值得再追。
項目︰波膽

推介︰巴勒莫2:1

意甲巴勒莫主場對拿玻里，揀波膽可留意2:1。巴勒莫係小島球隊，主強客弱特性從來都冇變過，今場有力擊敗拿玻里。尤其拿玻里今場停賽球員較多，對於巴勒莫爭勝就更加有利。

雖然話主隊有贏波機會，但參考過近幾次巴勒莫主場對拿玻里嘅賽果，當中以2:1開出次數最多，追住呢條攤路有得博。
項目︰半全場

推介︰肯薩斯體育會主主

本周美職重頭戲一定係肯薩斯體育會主場對紐約紅牛，近期肯薩斯體育會狀態大勇，聯賽兩連勝兼有主場之利，今場有力全取三分。紐約紅牛當然有實力，弊在作客表現一般，預期肯薩斯體育會一開場壓着對手搶攻，「主主」開出機會甚高。