路遙知實力日久見冠軍

猪拉多纳

歐洲各大聯賽紛紛展開角逐，而英超幾支名牌喺首輪都有唔同際遇。「雙紅」曼聯及利物浦皆於第1場聯賽窒步。

有球迷批評曼聯高價收購尹佩斯係錯誤決定，紅軍躉就話新帥羅渣士執教細球會頂呱呱，轉教大球會做爛茶渣。不過Peter就覺得賽季漫長，一場半場賽果唔足以定生死。
西甲雙雄有排鍊

同樣地，車路士及曼城一對「藍衣軍團」，於季初表現極之神勇，不過兩隊都有好多疑點存在。先講車路士，新援夏薩特演出確係弗，不過能否適應英超高強度打法，依家仲未有答案。而林柏特亦開始老退，踢到季中就會出現疲態。而衞冕嘅曼城今季少有新血注入，刺激度減少之下未必有上季咁好。

至於西甲方面，仍然係皇馬巴塞之爭，形勢比較英超單純得多。皇馬能否再贏西甲，好睇教練莫連奴對冠軍嘅飢渴感。Peter估計，兩大球隊要鍊到明年春天先至知道高低，又睇吓兩隊今季點鬥法。