沙貝魯根頂得住04

猪拉多纳

今晚繼續有德國盃玩，其中史浩克04會造訪沙貝魯根，一隊係上季德甲「三哥」，一隊就係丙組仔，照計冇得打，但史浩克有成7位主將缺陣，成肚火嘅沙貝魯根絕對有能力炮製爆冷戰果，受讓之下，3.2倍「讓主」博得過吖！

（開賽時間：周日晚10:00）

史浩克今仗有中場鍾斯同射手亨特拉爾坐波監，更大鑊係連鋒將奧保基、中場摩列斯同守將梅斯達都打埋柴，中前場嘅祖拉度同法芬亦上陣成疑，陣容可謂天殘地缺。雖然話沙貝魯根都有前鋒馬素施馬同中場史迪菲拿倦勤，但咁樣反而令佢哋踢得更偏向守勢，賽前有消息指呢場波已經賣出25,000張飛，班擁躉咁捧場，呢隊丙組仔踢落都搏命啲，史浩克踩蕉皮唔出奇。