利雲特主場受讓抵玩

猪拉多纳

每個聯賽總有幾隊名氣球隊扯飛，當中有部分球隊戰績唔好，但又長期受到追捧，好似英超有隊利物浦，而西甲都有隊馬德里體育會，呢班波雖然有唔少球星壓陣，但海鮮波飄忽唔可靠，新季首戰作客利雲特要讓波，絕對信唔過，捧主隊！

（now 632周一凌晨5時直播）

馬體會前線擁有世界級射手法卡奧，淨係呢個哥倫比亞球星已經極具號召力，呢班波向來係名氣球隊，無論踢成點都有例飛支持，賠率長期偏熱。馬體會今季仍被視為實力分子，但首戰對手利雲特唔易對付，牌面睇利雲特質素唔高，但呢班波上季已經嚇你一驚，戰鬥力唔弱，主場受讓盤口有利，捧得過。
華倫硬淨唔赦皇馬

西甲今季變化唔大，仍屬皇馬同巴塞單打獨鬥，兩支班霸實力超班，長期都讓得狠，投X價值唔高，個別場次可以反佢哋，好似今輪皇馬主場對華倫一戰，皇馬讓到球半、兩球，個盤真係誇張咗啲，但華倫向來對兩大班霸都相當硬淨，就算輸都唔會太肉酸，可以博下盤兼顧入球大。

肥叔近日去咗東南亞地區行吓，順便同班行家見面，一齊交流心得，呢個基本上係每季指定動作，依家菠菜市場發展太快速喇，無論莊家定菠菜人士，大家都要不斷增值！
肥叔心水

韋根 下盤

修咸頓 下盤、大

貝迪斯 下盤

華倫西亞 下盤、大

利雲特 下盤