熱刺4翼齊飛 角球大「喜」「刺」

猪拉多纳

英超開鑼有好波睇！紐卡素喺主場對熱刺，兩隊都係攻擊型球隊，都係鍾意用翼鋒爆破對方防線，今場梗係捧角球大着數！（有線200、300及廣東體育周日凌晨0:30直播）
保亞斯勁重視側擊

上季保亞斯被車路士極速炒魷，今次轉教熱刺，佢收購咗賀芬咸中場基菲爾施古臣同阿積士中堅維頓漢，但就不斷放風，好想簽埋波圖翼鋒基斯甸艾素同阿仙奴翼鋒禾確特，睇得出佢好重視側擊。最近熱刺喺熱身賽當對手冇到，排出「4翼齊飛」進行強攻，即使對住華倫西亞都夠膽駁火。
紐卡素雙箭頭槌一流

係，雖然最終熱刺以0:2不敵華倫，但球迷應該會欣賞保亞斯嘅勇氣，初嚟埗到夠膽用加里夫巴利同艾朗連儂打翼、基爾獲加同伊高圖打閘，排出接近433嘅主攻型陣式，要知加里夫巴利同艾朗連儂幾乎逢人過人，基爾獲加同伊高圖助攻力得人驚，由佢哋連環落底爆對手防線，難怪上季喺聯賽平均每場有7.45個角球，係英超第二多，今季加強邊線攻擊，角球數應有增無減。

更何況，「喜鵲」紐卡素上季喺聯賽主場平均都有5.84個角球，唔算失禮，而且翼鋒賓艾化勁鍾意落底，雙箭頭柏比斯施斯同丹巴巴亞頂上功夫又有番咁上下，只要有角球，熱刺防線未必輕易解到圍，隨時1個角球變幾個，當然係玩角球大穩陣。

角球數：10.5球

推介：角球大（1.85倍）