阿積士當「克」讓波捉蟲

猪拉多纳

新一季荷甲首輪焦點大戰，由力爭三連冠嘅阿積士(主場迎戰實力分子阿爾克馬爾。主隊今季有後防主力維頓漢離隊，防線即時穿大窿，上星期嘅荷超盃已經即刻中招輸2:4畀燕豪芬。今晚佢哋嘅三線受傷病狀態等問題，繼續大混亂，仲邊有能力贏波同讓波？我博2.45倍「讓球客勝」。（now639台周日晚10:30直播）

雖然被視為球壇少林寺，但阿積士想即刻搵新人頂替到維頓漢嘅位置，其實難度極高。依家喺防線孭重飛嘅戴利白蘭特同雲達韋爾等人，都係名大於實，上周對住燕豪芬失4球，仲點信得過吖！
阿爾克馬爾域陀伊姆擔正

最慘佢哋連中前場都一樣立立亂，中場發電機基斯甸艾歷臣踢完歐國盃遲歸隊，狀態仲未恢復，預計會繼續做後備，前線蘇利馬尼同保爾列達喺季前集訓期間養傷一段日子，狀態亦未谷起，真係信唔過o架！

阿爾克馬爾呢邊，雖然話暑假期間放走咗比列賀文、西蒙保臣等至少4名主力，好在呢班波素來都有暑假大換血習慣，換極都冇事，實力往往都能維持，真係唔到你唔服。今晚強陣出擊，仲有新兵中場域陀伊姆擔正，要搶分絕對冇難度。