銀河踢殘難擋芝華士

猪拉多纳

美職球隊洛杉磯銀河，本輪聯賽將作客美國芝華士。洛杉磯銀河喺暑期都幾繁忙，經常要同外隊進行表演賽，對於球員嚟講簡直係煎熬。球員體力不足之下，今場難與美國芝華士抗衡，今場可留意主Ｗ。（周一早上11時開賽）
碧咸睇奧運未歸隊

洛杉磯銀河喺八月已經踢過兩場比賽，月初先輸一比五畀皇家馬德里，幾日後對西雅圖海灣者又輸四蛋。洛杉磯銀河似乎疲態畢露。加上領軍人物碧咸仲喺倫敦睇奧運，陣容不整難睇好。美國芝華士自七月尾贏過波特蘭伐木者之後就未再出賽，球員可謂抖足精神迎接洛杉磯銀河，爭勝條件自然比對手充足。