國米未夠喉再炒夏德

猪拉多纳

邊個話歐霸係豪門雞肋？你睇下意甲勁旅國際米蘭，雖然無緣歐聯，但該隊今夏訓練積極，在少帥施特拉馬斯安尼領導下，全隊精神面貌煥然一新，今晚拎住三球在手，返主場再戰克羅地亞一哥夏德，一眾球星定必於施帥面前博表現，隨時再炒一場，「讓球主勝」不妨再追。

（周五凌晨2時45分開賽）

自上季季尾接手後，施特拉馬斯安尼已着手改變老態畢露嘅國米，儘管高層引入的柏拉斯奧、穆汀加爾、漢丹洛域唔算後生，不過施帥依然畀小將唔少機會，其中無緣倫奧嘅巴西小將菲臘比古天奴表現落力，無形中給予原本的主力一定壓力，好似上季不斷喊走的史奈達，就自動自覺操弗自己，上仗作客夏德仲抽入一記靚絕遠射，極速上力。

從上仗所見，國米眾將極其餓波，如狼似虎，因此就算領先三粒，相信國米都唔會得過且過，希望於施帥面前爭取表現，「讓球主勝」同大盤值得兼投。