風林硬淨唔怕一哥

猪拉多纳

日乙榜首形勢立立亂，榜首千葉市原只領先第六位大分三神兩分，幾隊波輪住做一哥相當惡搞！千葉市原今輪硬撼第五位球隊甲府風林，風林作客硬淨到暈，受讓平半可捧下盤。（周日晚6時開賽）

甲府風林今季前面齋踢一個達維，此子已經喺聯賽轟入十八粒，目前於射手榜位列榜首。為免過分倚賴達維，風林已由FC東京引入年輕前鋒重松健太郎，計人腳絕對有條件升班。

風林另一優勢係作客硬淨，今季聯賽作客十二戰只輸過一場，單計近十場作客未嘗一敗。另一邊廂千葉市原目前位列榜首，但其實僅領先風林兩分，今場明顯係五五波。再睇埋往績，風林近四次作客市原只輸一場，不落下風，受讓有計。
溫泉澤維亞捱「細」界

同日草津溫泉主場對町田澤維亞，兩支下游球隊都係咁水，町田澤維亞近期經常食白果，今場都係信唔過。草津溫泉火力亦唔強，呢場捧入球細最好。
日乙推介

大分三神勝

甲府風林下盤

草津溫泉細