羅亞素主場睇定食

猪拉多纳

日乙下游球隊熊本羅亞素五月尾止跌，隨即展開升浪，後防突然勁穩，但因位處下游，所以評級偏低，今次主場對京都不死鳥仍然有得受讓，如此筍盤不容錯過，要「讓球主勝」！（周日晚6時開賽）

熊本羅亞素季初表現極曳，直到五月尾主場戰勝前列球隊山形山神後至重拾信心，近期愈踢愈好，對上六場未輸過，近三戰一球不失，防守超級硬淨，前仗主場出擊又砌低實力分子千葉市原，戰績一流，證明並非一時虛火。羅亞素踢起「90後」小將武富孝介，此子最近頻頻士哥，腳風順到爆，不死鳥今場有麻煩。

另一邊廂，京都不死鳥被視為升班熱門，但近況實在不堪入目，已七戰不勝，場場輸盤，近五戰輸四次，演出完全走晒樣！以不死鳥最近演出，面對任何球隊都冇把握贏波，更何況今場對手熊本羅亞素銳氣正盛，不死鳥仲學人讓波，絕對信唔過，穩陣要「讓球主勝」，進取啲可博埋主Ｗ！

FC橫濱弗過市原

同日較早時間FC橫濱主場對千葉市原，橫濱近況「托弗」，作客贏到開巷，班波踢起信心，返到主場一樣咁惡。市原雖然質高，但近兩場作客都輸，實在令人有戒心，讓波唔抵玩，捧「讓球主勝」。
日乙推介

FC橫濱讓球主勝

草津溫泉讓球客勝

熊本羅亞素讓球主勝