艾夫斯堡讓球勝得米

猪拉多纳

今日阿King同大家集中研究瑞典超，其中艾夫斯堡主場鬥米贊比，可直取「讓球主勝」。艾軍人造草主場威力無窮，本季七場賽事全勝，包括上場歐霸盃贈馬爾他球隊科利安拿八蛋，士氣、狀態一流，加埋上戰聯賽新敗，必打醒十二分精神，今場可輕取對手。

（周一凌晨零時30分開賽）

瑞典超於歐國盃期間休戰，艾夫斯堡於小休後作客阿維達貝治，竟大敗一比五，令人大跌眼鏡。但勁旅唔會因一場半場敗仗洩氣，翌仗於歐霸盃第一圈外圍賽，主場狂風掃落葉贏科利安拿八比○，下場次回合作客可以輕裝上陣。今場聯賽對米贊比，艾堡會繼續狂攻搵對手出氣，贏兩粒係基本消費。
卡爾馬咬唔入諾高平

另一場卡爾馬作客諾高平，卡爾馬同艾夫斯堡可謂天同地比，艾堡於歐霸盃大勝，卡軍則作客不敵基福維利○比一，呢班波一向後備力量薄弱，啱啱飛到北愛作客已經疲累不堪，依家又有次回合後顧，今場作客輸得。而AIK蘇納主場對赫根，AIK主場成績麻麻，寧捧「讓球客勝」。