德國讓得太辣博下盤

猪拉多纳

今屆歐國盃比較少爆冷，普遍散戶因而傾向一味捧大熱球隊，好似今晚四強德國讓到意大利半一，上盤仍然有好多捧場客。不過要小心來到現時最後關頭，雙方表現會較保守，尤其德意之間實力接近，好可能90分鐘不分勝負，甚至最終要互射十二碼決勝，故捧下盤為佳。

無可否認，德國今屆整體實力好過對手，仲有多兩日時間休息，但踢到四強緊張關頭，有好多變數，正如車路士喺歐聯四強被一面倒睇淡下，都淘汰巴塞隆拿。決賽鬥拜仁慕尼黑，亦喺類似形勢下捧盃，所以千祈唔好以為德國會佔好大甜頭。

事實上，意大利屬於大賽球隊，往往形勢愈惡劣，愈有更佳發揮，而且陣中仲有派路同保方兩位06年世界盃冠軍功臣，大戰經驗豐富，對球隊好有幫助，佢哋可以穩定軍心，遇上任何對手都唔驚。前鋒巴洛迪利身體條件好，有技術、有速度，好似身體任何一部分都識踢波，隨時殺對手一個措手不及。
正宗五五波一球上落

因此，今場屬於正宗五五波，即使分出勝負都係一球上落，德國讓半一，上盤實在唔抵玩。如果要互射十二碼分勝負，德國球員心理質素好，可以秤先。