賽果正路散戶執到

猪拉多纳

歐洲國家盃八強最後一戰，英格蘭對意大利賽前吹晒風會開和波，而且細盤賠率被不斷壓低，大戶散客瞌埋眼捧細盤。意軍踢落對辦，圍住英軍狂攻，大戶計過條數走地出擊追大，法定時間輸完，加時繼續追大，最終兩隊踢足百二分鐘都係交白卷，令佢哋跌晒眼鏡。

睇番今屆八強戰果正路，大戶基本上場場都要跌啲，其中西班牙對法國嗰場輸得最多，佢哋睇好法國，走地係咁買下盤同大盤，結果畀西班牙搞掂，損失慘重。由於冇乜爆冷賽果，散戶反而頻頻獲利，班專業菠菜者罕有地輸畀業餘散客，呢種情況確實同以往有啲唔同。
推高四強投X額

不過，大戶始終係大戶，佢哋擁有專業菠菜知識，而且擅於計數，長遠賭落點都係高啲，依家只係擺住啲錢喺散客度，相信要攞番只係時間問題。由於普羅投X人士喺八強戰都有斬獲，預計有助推高四強同決賽投X額，對各大莊家嚟講絕對係好事，亦為大戶製造反彈良機。

嚟緊去到四強戰，肥叔唔認為賽果會繼續正路，初步投X策略係留意下盤，初盤兩支名牌球隊西班牙同德國都要讓半球，意大利八強踢落對辦，未必輸硬畀德國，葡萄牙有C朗擔大旗，亦有權同西班牙死過。