C朗腳風順番晒入波先唔難

猪拉多纳

首場8強戰嘅特別項目主角係「萬人迷」C朗，上場佢對住荷蘭終於開齋，仲一入就入夠兩球，腳風順番，仲有邊個阻得到佢吖？估佢首先發生事件，考慮到C朗喺球場上一向脾氣唔差，攞牌機會唔多，除非受傷，否則更加冇乜可能被換走啦，橫睇掂睇，都係博2.75倍「入球」最有計。

另外今場角球大細中位數係10.5球，睇番葡萄牙之前3場分組賽都係開出總角球13球，攻勢多多嘅佢哋仲要係角球較多嗰隊，撞正今場對手捷克平均每場都有5個角球，要開出角球大應該唔難，1.65倍熱得有理。