捷克帶挈外籍大戶贏到笑

猪拉多纳

歐國盃A組最後一輪分組賽兩場都有冷味，今屆捷克得班老弱殘兵，唔只普羅球迷睇死佢哋，好多行家對呢班波都冇好感，經過首輪分組賽大敗，啲菠菜公司更加睇死捷克冇得翻身，點知佢哋跟住兩場竟然大翻身，真係一地眼鏡碎！

不過，今屆歐國盃班外籍大戶當正捷克係銀行隊，第一場開始已經大力支持佢哋，雖然首戰未能獲利，但跟手兩場繼續追，捷克最後一輪對波蘭本來受讓平半，下半場打到變平手盤，結果捷克真係贏埋！到底班大鱷點解睇得捷克咁高，真係好難理解，但今屆呢班菠菜專家準到不得了，贏到開巷，唔少莊家只能捱打，真係冇晒乎！
西班牙對克羅地亞未必揸流攤

講番今次推介，名牌球隊西班牙今時今日係世界冠軍，聲望好高，今次對克羅地亞雖然吹晒風係默契波，但肥叔唔信西班牙會放軟手腳，況且佢哋仲未肯定出線，見到俄羅斯咁出事，邊個仲敢玩嘢啊！西班牙今場讓半球唔算多，上盤值得一試。另外，意大利攻力一般，今次對愛爾蘭讓到球半、兩球太多，要小心，可博下盤同大盤。
肥叔心水

西班牙上盤

愛爾蘭下盤、大