吼小白上腳被踢傷換走

猪拉多纳

意大利對克羅地亞「特別項目」有「意大利會否反敗為勝」可以玩，表面睇反勝有11倍雖吸引，但意國足球向來穩字行頭，一旦落後追得和已經偷笑，博唔過喎！反而西班牙對愛爾蘭嘅「特別項目」，可以考慮「哪一件事會首先發生在恩尼斯達身上」嘅9倍被換出。

恩尼斯達踢法斯文，份人又冇咩脾氣，唔似會立亂攞黃牌或者紅牌，而且西班牙陣中有沙維同大衞施華負責開角球，佢唔會咁痕搶住做呢項工作，所以有9倍嘅被換出最抵玩！點解咁講？因為愛爾蘭球員踢法粗枝大葉又夠辣，鍾意上腳嘅「小白」被踢傷絕對唔出奇，假如佢整親，教頭迪保斯基想唔換都唔得。