山度士難破哥連泰斯金身

猪拉多纳

除咗歐國盃，世界各地都有大賽上演，除咗一系列世盃外圍賽，大洋洲盃冠軍亦於周日誕生，結果由大溪地爆冷奪魁，並取得來年洲際國家盃入場券，認真估佢唔到。至於南美最高殊榮自由盃亦於聽朝爆發4強首回合，衞冕冠軍山度士喺主場迎戰哥連泰斯，呢場巴甲內訌要1.85倍「讓球客勝」。（有線61、201及廣東體育周四早上8:50直播）
甘素復操狀態未十足

為備戰自由盃，雙方都暫時放棄聯賽，所以齋睇近況都係水鬥水，倒不如睇番兩隊今屆自由盃嘅成績，山度士都幾靠主場搵食，事關上兩圈都係作客先輸波，返到主場先反勝對手，所以今鋪首回合喺主場贏唔到的話，都幾難再過一關，弊在射手尼馬啱啱先頻撲完國家隊賽事，早前做完膝頭手術嘅中場甘素係就係已經復操，但狀態肯定唔十足，好難幫山度士先拔頭籌。

對家哥連泰斯雖然喺新季巴甲1和3負排包尾，但喺今屆自由盃10場比賽都未輸過，當中仲有8場波係保持不失，防守咁穩健，睇怕山度士新球王尼馬都幾難搵到食。

足球重心：哥連泰斯（讓球客勝）、葡萄牙（勝）

馬膽推介：8場(6)名舵主

蔡廐馬到季尾都陸續收爐，選擇喺近期復出都唔似係求減分，久休嘅「利錢伯爵」同「首飾孖寶」於上周六都有驚喜，今次輪到抖咗4個半月嘅「名舵主」再上戰陣，有力爭取季內第5W。