愛克戰1.85倍角球細好路

猪拉多纳

今晚2場波特別項目嘅角球大細中位數都係9.5球，其中比較好路會係尾場愛爾蘭對克羅地亞嘅1.85倍角球細。
西班牙10倍反勝好分

睇番愛爾蘭喺外圍賽連埋附加賽嘅數據，合共12場波就有8場開出角球細，4場開大。事實上，如果單睇佢哋自己嘅角球數，除咗對安道爾係有9個外，其餘全部都唔夠5個，可能同佢哋前鋒把握力普通，射唔中目標都幾難逼到角球有關。再睇埋克羅地亞近6場正式比賽角球數據，都係2大4細，追角球細都好正路。

另外2場波都有「反敗為勝」玩，其中愛爾蘭一旦領先，以佢哋14場不敗去睇，克羅地亞應該反勝乏力，呢場可以不理。反而頭場如果意大利偷雞先入波，西班牙實力超班，可以反敗為勝都唔出奇，想睇波開心啲，10倍分頭可以一試o架。
愛爾蘭靠死球搵食

‧外圍賽共10個入波靠死球取得，為列強之冠。

‧歷來6鬥克羅地亞僅1負。

‧近14場不敗，僅失3球。

‧離開地頭比賽一樣醒神，近13場作客波未輸過。

‧過往僅曾在88年殺入決賽周，可惜在分組賽已經畢業。
橫數千軍：克羅地亞唔識射12碼

‧在歐國盃合共7次獲判罰12碼，僅4球射入。

‧近20場賽事僅輸3場。

‧外圍賽中有9個入波靠頭槌取得，冠絕列強。

‧過往2次正式比賽交手，各在主場得勝。

‧之前3次殺入歐國盃決賽周，上屆於8強互射12碼不敵土耳其出局。