熊本羅亞素下盤抽水

猪拉多纳

臨近歐國盃戲碼麻麻，但阿king都有好嘢提供，先講場日乙，熊本羅亞素主場對水戶蜀葵，羅亞素雖位處榜下游，但主場踢落唔差，受讓平半有着數，要下盤！（周四晚6時開賽）

熊本羅亞素今季戰績咁曳，主要因為作客唔掂，但若論主場演出就唔差喎，打和湘南比馬、甲府風林，贏埋榜首山形山神，合格有餘啦！反觀水戶蜀葵作客真係麻麻，近兩場對住兩大弱旅鳥取飛翔同町田澤維亞都贏唔到，今場點讓波吖！

跟住睇場巴甲，保地花高主場對高士路，保地花高開季極速上力，聯賽兩戰全勝，雖然失咗四球，但前面入番七球，完全唔怕失波，今次繼續以攻代守，再跟多鋪！另外，名牌球隊哥連泰斯要兼顧南美自由盃，因而影響聯賽表現，今次主場出戰都讓唔起費古倫斯。