羅馬尼亞橫掃奧地利

猪拉多纳

睇得多關於歐國盃嘅嘢多想抖抖氣？今晚就有場奧地利對羅馬尼亞嘅風流熱身賽，雖然兩軍都唔見得會為今場搏到盡，不過睇番羅馬尼亞球員質素較勝一籌，而且佢哋近排戰績驕人，小妹決定直取2.62倍客勝啦！（開賽時間：周三凌晨2:30）
奧地利3主力有傷缺陣

講起羅馬尼亞，大家最熟悉嘅應該係喺意甲打滾過一段日子嘅梅度，可惜佢回復自由身後已未獲徵召。但係大家今次不妨留意吓保斯亞奴，雖然呢位27歲中場効力緊國內嘅布加勒斯特星隊，佢踢防中表現出色，更有人以加度素嚟形容佢添。羅馬尼亞傳媒話唔少國外球會已經睇中佢，有佢喺度掩護後防，真係穩陣好多。

羅馬尼亞近10戰只小敗過畀比利時，其中8場最多只失1球，仲賽和過烏拉圭，相當硬淨。反觀奧地利今場續有3主力因傷缺陣，包括基斯甸富治斯同埋夏歷，形勢唔多樂觀。